Маҳалла ҳудудида 3850 нафар аҳоли яшайди. Асосий ихтисослашув — деҳқончилик ва иссиқхона. Аҳоли иссиқхолнада лимончилик билан шуғулланиб, яхши даромад олишади. Бугун одамлар кайфияти кўтаринки. Сабабаи барча муаммолар босқичма-босқич ечилмоқда. Жумладан, 2022 йилда “2022-2023 йилларда маҳаллалар инфратузилмасини янада яхшилаш бўйича қўшимча чора-тадбирлар тўғрисида”ги Президент қарорига кўра, тоза ичимлик суви тармоғи тортиш ишлари бажарилди. Лойиҳа доирасида Истиқлол кўчасида 1 дона янги тик ичимлик суви қудуғи қазиш,1 дона янги сув минораси, 1 та трансформатор ва 1 дона янги сув насоси ўрнатиш, 4.4 километр янги ичимлик суви тармоғи тортиш ишлари олиб борилди. Бунга қўшимча равишда Мустақиллик кўчасида ҳудди юқоридаги каби сув қудуғи қазилиб, трансформатор, сув миинораси ўрнатилди, 2 км. узунликда ичимлик сув тармоғи тортилди. Ободонлаштириш ишларида фуқаролар ҳам фаол иштирок этмоқда. Ҳашар йўли билан 4,5 км. масофадаги йўллар шағалланди. Тиббиёт пункти 108 миллион сўм маблағ ҳисобига қайта қурилди. Аввал 2 та хона бўлган эди, ҳозирда 5 та хона замонавий шаклга келтирилди. “Яшил макон” лойиҳаси асосида ҳудудга манзарали кўчат экилди. 60 йилда барпо этилган, ҳозирда авария ҳолатидаги 40-МТТни маҳаллаий тадбиркор Тоҳиржон Ғиёсов ўз маблағ ҳисобидан қайта қуриб берди. Қамров 200 нафарга етди. 2-сектор раҳбари ташаббуси билан Истиқлол ва Мустақиллик кўчасига 30 бетон таянч устун, 60 та кўча чироғи ўрнатилди.
Тажриба: Ҳудуддаги Мустақиллик кўчаси йўл юзидаги хонадон эгалари бўш ер майдонига узум экишмоқда. Ҳозиргача 200 та хонадлоннинг 1000дан ортиғи банкдан олинган имтиёзли кредит эвазига 1 км. узунликда узумчиликка ихтисослашган боғ яратишди. Бу иш туман бўйича оммалаштирилмоқда. Тажрибамизни бошқа маҳалла вакиллари келиб ўрганмоқда.
Таклиф: Исқилол ва Мустақиллик кўчасига пиёдалар йўлаги қуриш керак. Бу таклифни туман ҳокимлигига ёзма тарзда билдирганмиз. Шунингдек, Ёшлар, Олмазор, Ипакчилик кўчаларини асфальтлаш лозим.
Анваржон МАМАНАЗАРОВ,
Бешариқ туманидаги «Олтинкўл» маҳалласи раиси.