Маҳалла “драйвери” – тадбиркорлик, ишлаб чиқариш. Ҳудудда қандолат ва печень маҳсулотлари, аёллари сумкаси, оёқ кийимлар ишлаб чиқраиш корхоналари ҳамда битта босмахона, учта автомобилларни тозалаш шохобчаси, супермаркент, кўплаб савдо дўконлари, маиший хизмат кўрсатиш шохобчалари мавжуд.
Аҳолининг етмиш фоизи тадбиркорлик билан шуғулланади. Улар орасида домий ҳомийлик ёрдамларини кўрсатувчи саховатпеша тадбиркорлар кўп. Ҳабибулло Абдусаматов, Аклалхон Ҳамидов, Даврон Ибрагимов, Алишер Шоғуломов, Ғанишер Шоғуломов, Руслан Чубаев, Боқижон Абдусаматов шундай инсонлардан. Тадбиркор Алишер Шоғуломов “Оқтепа” футбол клубини ташкил этган. Ҳозир бу ерда 300 нафар ёшлар футбол билан шуғулланмоқда.
Йиғинда 27 та кўп қаватли тураржой бор. Ички кўчаларнинг барчаси асфальтланиб, бетонланган. Учта кўп вақтли уйнинг том қисми, 300 метр иссиқ сув қувурлари таъмирланди. Аҳоли саломатлигини таъминлаш учун оилавий поликлинка қурилди. Учта болалар ўйингоҳи фойдаланишга топширилган. Шу вақтга қадар Мажлисий 4-тор кўчаси аҳолиси ер ости қувурлари йўқлиги сабабли кўплаб қийинчиликларга дуч келарди. Бу муаммо ҳал этилди. Жорий йил иккита трансформатор ўрнатилиб, 1,5 километр кабель тортилди.
Ёшларнинг спорт билан мунтазам шуғулланиши учун футбол ва теннис стадиони, кикбоксинг, бокс, волейбол, баскетбол клублари фаолият юритмоқда.
Эндиликда Гулханий кўчаси билан Арча кўчаси оралиғида сайлгоҳ қурилади. Унда маҳалла аҳолиси учун саломатлик йўлакчаси, болалар ўйингоҳлари, турли ўриндиқлар барпо этилиб, дам олиш масканига айлантирилади.
Ҳозирча ўтган йилги аномал совуқда кузатилган талофатлар йўқ, барча камчилкилар ҳал этилган. Биргина муаммо, ёғингарчиликларда кузатиладиган сув тўпланишларни ҳал этиш учун кичик бетон ариқлар ўрнатилиши зарур.
Саъдулло УМАРОВ,
Шайхонтоҳур туманидаги “Катта Оқтепа” маҳалласи раиси